Nýtt Heimlii fasteignasala kynnir virkilega glæsilega 123,4 fm. 3ja herbergja endaíbúð á 2. hæð í nýlegu og vönduðu fjölbýlishúsi með lyftu. Sameiginlegur líkamsræktarsalur á efstu hæð hússins auk sameiginlegs þakgarðs með miklu útsýni út á sundin, Esjuna og yfir borgina. Íbúðin er hönnuð með auknu aðgengi fyrir fatlaða. Eigninni fylgir sér bílastæði. Þvottahús innan íbúðar.

Íbúðin er eina íbúðin á hæðinni í þessum hluta byggingarinnar, þ.e. norður- álmu en tvær íbúðir eru í suðurálmu og er göngubrú þangað yfir.

Lýsing eignar:
Forstofa: rúmgóð, flísalögð og bæði með fatahengi og fataskápum.
Hol: parketlagt með föstum hillum í vegg og innfelldri lýsingu í kappa í lofti.
Þvottaherbergi, flísalagt og rúmgott með góðum innréttingum og skápum, vinnuborði og vaski.
Svefngangur: flísalagður.
Barnaherbergi: rúmgott, parketlagt og með fataskápum.
Baðherbergi: rúmgottt og með glugga, flísalagt gólf og veggir. innrétting, vegghengt wc og baðkar með sturtugleri.
Hjónaherbergi: rúmgott, parketlagt og með fataskápum.
Eldhús: opið við stofu, parketlagt og með miklum og vönduðum hvítum innréttingum og eyju með graníti á borðum. Áföst borðaðstaða á eyju og gert ráð fyrir tvöföldum ísskáp í innréttingu.  Úr eldhúsi er útgengi á 10,0 fermetra yfirbyggðar og opnanlegar svalir til suðausturs. Stofur: samliggjandi, rúmgóðar, bjartar og parketlagðar með innfelldri lýsingu í loftum og föstum innréttingum og hillum.Svalagólf er einangrað og með gólfhita og loft er einnig einangrað og klætt með innfelldri lýsingu. Samþykki liggur fyrir um svalalokun.

Á efstu hæð hússins er: sameiginlegt líkamsræktarherbergi með glerveggjum á þrjá vegu og gríðarlega fallegu útsýni.  Innrétting með vaski er í herbergi.  Úr herbergi er útgengi í um 60,0 fermetra þakgarð til norðurs, austurs og vesturs.

Í kjallara er 10,2 fermetra sér geymsla auk sameiginlegrar hjóla- og vagnageymslu.

Húsið að utan: er í góðu ástandi, klætt að hluta með báruáli og flísum og því viðhaldslítið.

Lóðin er fullfrágengin með góðri aðkomu og malbikuðum bílastæðum auk hellulagðra stétta með hitalögnum undir.

Staðsetning: er mjög góð á rólegum stað miðsvæðis og í góðu göngufæri við miðborgina.

Allar nánari upplýsingar veitir Reynir Erlingsson löggiltur fasteignasali í síma 820-2145 / [email protected]